Arweinlyfr i Ffyrdd Iachach o Fyw ar gyfer Gweithwyr Iechyd Meddwl
Datblygwyd yr arweinlyfr hwn fel rhan o raglen Codi Calon; sef prosiect a luniwyd i wella iechyd corfforol pobl sydd yn byw gyda phroblemau iechyd meddwl yng Ngheredigion.
Mae gan bawb hawl i gael gwybodaeth a allai eu helpu i wella eu hiechyd ac mae’r sefydliadau hynny sydd yn gweithio yn y sector iechyd meddwl mewn sefyllfa dda i ddarparu gwybodaeth a chefnogaeth ar gyfer eu cleientiaid.
Mae’r Arweinlyfr yn rhoi gwybodaeth a chyfarwyddyd ar ffyrdd i sicrhau mwy o weithgareddau iach a chefnogi pobl sydd yn dymuno newid.